- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Лёзна. Адкрыты дыялог аб бяспеке
Ратавальнікі, прадстаўнікі аддзела ідэалагічнай работы, культуры і па справах моладзі Лёзненскага райвыканкама, першы сакратар РК ГА «БРСМ» зазірнулі на «адкрыты дыялог» да хлопцаў і дзяўчат з Веляшковіцкай сярэдняй школы Лёзненскага раёна.
З пачатку жніўня працуе лагер пры Веляшковіцкай сярэдняй школе. Моладзь з карысцю праводзіць вольны час, зарабляючы пры гэтым на асабістыя выдаткі на зернесушыльным комплексе ААТ "Рубяжніца». Пагаварыць пра бяспеку, дакладней абмеркаваць адкрыта праблемы моладзі вырашылі ў фармаце «тэт-а-тэт».
Вольга Магутная, прадстаўнік моладзевага руху Лёзненшчыне распавяла дзецям пра тое, чым ганарыцца наша краіна і хто з выхадцаў Беларусі стаў вядомы далёка за яе межамі; Вераніка Новікава, першы сакратар РК ГА «БРСМ» запрасіла моладзь на мерапрыемствы, распавяла аб дзейнасці маладзёжнага саюзу і як стаць яго членам.
Асаблівае месца ў дыялоге- бяспецы. Хто нясе адказнасць за сваё здароўе? Як зрабіць жыццё чалавека бяспечным- на гэтыя тэмы моладзь выказалася ў «адкрытым дыялогу». Рабяты самі назвалі небяспекі летняга перыяду, вывелі формулу бяспечных летніх вакацый, а так жа прагледзелі фільм «Недзіцячыя гульні».