- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Акцыя «Канікулы без дыму і агню» працягваецца ў Віцебскім раёне
У Віцебскім раёне працягваецца рэспубліканская акцыя «Канікулы без дыму і агню». Выратавальнікі наведваюць хлопчыкаў і дзяўчынак, якія адпачываюць у аздараўленчых лагерах, а яны з радасцю сустракаюць выратавальнікаў у сябе ў гасцях.
Дзеці ведаюць: сустрэчы з работнікамі Віцебскага раённага аддзела па надзвычайных сітуацыях не толькі інфарматыўныя, але і багатыя на віктарыны і конкурсы. І з пустымі рукамі выратавальнікі не прыходзяць: у падарунак пасля іх заўседы застаюцца прыгожыя кніжкі, лістоўкі.
На гэты раз выратавальнікі наведалі дзіцячы аздараўленчы лагер «Чайка».
Работнікі МНС паўтарылi з дзецьмі асноўныя правілы паводзін у час пажару, навальніцы, а таксама аб выкананні мер бяспекі падчас купання ў вадзе. Нумар выратавальнікаў, а таксама звесткі, якія трэба расказаць дыспетчару, калі пазваніў на «101» і «112», цяпер ведае кожны, хто быў на сустрэчы. Яшчэ раз з дзецьмi паўтарылі, дзе можна гуляць, а якія месцы забаронены для гульняў.
Дзеці шчыра паабяцалі, што будуць выконваць правілы пажарнай бяспекі, а з выратавальнікамі будуць сустракацца толькі на акцыях і мерапрыемствах.