- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Бешанковічы. На сустрэчу з грамадзянамі
Начальнік Бешанковіцкага раённага аддзела па надзвычайных сітуацыях Мядзель Кірыл Пятровіч пагутарыў з жыхарамі аграгарадка Астроўна Бешанковіцкага раёна.
Каб кожны жыхар змог засцерагчы сваё жыллё, неабходна валодаць сур'ёзным багажом ведаў. Таму сустрэча прайшла па праграме-навучанне, а затым «адкрыты дыялог». Начальнік аддзела, азнаёміўшы са статыстыкай пажараў і гібелі людзей ад іх у Рэспубліцы і раёне, падрабязна спыніўся на прычынах іх узнікнення. Нагадаў аб правілах эксплуатацыі пячнога абсталявання, правілах карыстання вогнетушыцелем. Звярнуў увагу прысутных на тое, што жылыя пакоі ў прыватных домаўладаннях і кватэрах неабходна абсталяваць аўтаномнымі пажарнымі апавяшчальнікамі. Ёсць неабходнасць нагадваць грамадзянам пра тое, што аўтаномны пажарны апавяшчальнік – гэта шанс на выратаванне падчас пажару.
Пасля тлумачэння правілаў бяспекі выратавальнік адказаў на паступаючыя пытанні і яшчэ раз акцэнтаваў увагу тых, хто сабраўся, на бяспеку дзяцей у перыяд школьных канікул.