- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Талачын. Бяспека без межаў
У рамках правядзення рэспубліканскай акцыі «Не пакідайце дзяцей адных» талачынскія ратавальнікі падрыхтавалі чарговую партыю «бяспечны» лістоў для сем'яў, дзеці ў якіх знаходзяцца ў сацыяльна небяспечным становішчы.
– Увага да такіх сем'яў заўсёды павышаная, бо як паказвае практыка менавіта дзеці з такіх сем'яў становяцца ўдзельнікамі розных здарэнняў, – адзначаюць ратавальнікі.
У канверт, афармленню якога ратавальнікі таксама надалі ўвагу: размясцілі лагатып акцыі і памятку аб дзеяннях пры ўзнікненні пажару, ратавальнікі ўклалі ліст з напамінам асноўных правілаў бяспекі і наглядна-выяўленчую прадукцыю МНС.
– Ужо сам канверт прыцягне ўвагу бацькоў да праблемы дзіцячай бяспекі, а маляўнічы буклет і ліст унутры адкажуць на ўсе пытанні бацькоў аб дзіцячай бяспецы, – падсумавалі ратавальнікі.
Такія «бяспечныя» лісты ўжо сёння патрапяць у рукі дзяцей з 43 сем'яў.