- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Віцебск. Пытанням бяспекі будаўнічых пляцовак асаблівую ўвагу!
Работнікамі Віцебскага гарадскога аддзела па надзвычайных сітуацыях праведзены абследаванні будаўнічых пляцовак на тэрыторыі Віцебска. Асаблівая ўвага нададзена супрацьпажарнаму стану вагонаў-бытовак.
Увага з боку работнікаў МНС надавалася першасным сродкам пажаратушэння, укамплектаванасці пажарных шчытоў, захаванню супрацьпажарнага рэжыму.
На адным з будаўнічых аб'ектаў працоўны дапусціў курэнне ў неўстаноўленым месцы, за што быў прыцягнуты да адміністрацыйнай адказнасці, хоць у некалькіх метрах ад яго было створана і абсталявана месца для курэння на аб'екце, а вось на іншай будаўнічай пляцоўцы быў злоўлены будаўнік, які перарэзаў дрот без сродкаў абароны, іскры разляталіся ў розныя бакі. Агнявыя работы праводзіліся без дакументацыі, якая пацвярджае права на іх правядзенне, і пры адсутнасці першасных сродкаў пажаратушэння.
З работнікамі будаўнічых арганізацый праведзены інструктажы аб мерах пажарнай бяспекі, растлумачаны асноўныя патрабаванні, што прад'яўляюцца да будаўнічых пляцовак, дзеянні ў выпадку ўзнікнення пажару, а таксама Правілы карыстання першаснымі сродкамі пажаратушэння. Прыведзены прыклады пажараў у будаўнічых вагонах-бытоўках з-за парушэнняў правілаў пажарнай бяспекі.