- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Браслаў. На сувязі
Тэлефонныя званкі насельніцтву з МНС становяцца нормай. Незвычайная форма зносін ратавальнікаў простая і складаная адначасова. Трэба не толькі выклікаць прыхільнасць да сябе абанента, але і высветліць, якія праблемы ёсць у жыллі ў сферы бяспекі, ці спраўна ацяпляльнае абсталяванне, ці па правілах наводзіцца парадак на прысядзібнай тэрыторыі і шмат іншае. Прасцей прыйсці і ўсё ўбачыць самому, але ад працы па удаленцы не ўцячы.
Рэспубліканская акцыя «Не пакідайце дзяцей адных" таксама прадугледжвае тэлефонныя зносіны з сем'ямі, дзе выхоўваюць дзяцей. Такая форма прафілактыкі ўжо адпрацаваная на пенсіянерах, адзінокіх і непрацаздольных, таму своеасаблівы вопыт ёсць. Галоўная задача ратавальнікаў – пераканаць дарослых не пакідаць дзяцей без нагляду. Тым больш што цяпер маецца нейкае падабенства вакацый. Многія дзеці вучацца дома і спакуса заняцца чым-небудзь не тым вялікая. Не застаюцца ў баку і пытанні наяўнасці і працаздольнасці аўтаномных пажарных апавяшчальнікаў, правілы развядзення вогнішчаў, недапушчальнасці выпальвання сухой расліннасці. Чырвонай лініяй праз гутарку праходзіць тэма дзіцячага свавольства з агнём. Часам малыя знаходзяць запалкі і тады быць бядзе.
Тэлефонныя зносіны заўсёды двухбаковыя. На іншым канцы провада не толькі адказваюць на пытанні ратавальнікаў, але і задаюць свае, ўдакладняюць тыя ці іншыя нормы і правілы. Зараз вельмі важна застацца на сувязі і нават выдалена засцерагчы домаўладальнікаў і іх сем'і.