- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Браслаў. Прыходзь, вясна, бяспечная!
Фінальным акордам Адзінага Дня бяспекі на Браслаўшчыне сталі сумесныя мерапрыемствы ратавальнікаў, газавай службы, медыкаў і работнікаў культуры на святкаванні Масленіцы.
Калі раніцай яшчэ церусіў дождж і дзьмуў вецер, то да пачатку свята непагадзь здалася. Займальныя конкурсы для жыхароў раённага цэнтра шчодра ўзнагароджваліся гарачымі блінамі і гарбатай. Ва ўсю працавалі тэматычныя пляцоўкі. Госці свята знаёміліся з асноўнымі патрабаваннямі пажарнай і газавай бяспекі, ацэньвалі свае магчымасці пры аказанні даўрачэбнай медыцынскай дапамогі. Ратавальнікі нагадалі неабходныя правілы паводзін на зімовым вадаёме, асноўныя прычыны пажараў, пра карысць аўтаномных пажарных апавяшчальнікаў, першачарговых дзеяннях пры ўзнікненні пажару, парадку эвакуацыйных мерапрыемстваў, дзеяннях пры сігнале «Увага ўсім». Не было адбою ад жадаючых апрануцца ў баявую вопратку, сфатаграфавацца за рулём пажарнай аўтацыстэрны, патушыць невялікае загаранне пры дапамозе вогнетушыцеля.
Зіму праводзілі і сустрэлі вясну. А даўно вядома, як сустрэнеш, так і правядзеш. Застаецца гасцям свята прымяніць атрыманыя веды і ўменні ў паўсядзённым жыцці на практыцы. І ўсё будзе добра!