- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Міёры. ў ціхім віру чэрці водзяцца
У Міёрскім раёне супрацоўнікі МНС у складзе надзіральных камісій наведваюць “праблемныя” домаўладанні. Задача камісій – выявіць праблему і прыняць адпаведнае рашэнне аб яе ліквідаванні.
У складзе надзіральных камісій розныя службы: прадстаўнікі мясцовай улады, газазабеспячальнай і энергетычнай служб, медыцынскія і сацыяльныя работнікі, інспектары міліцыі. І ў кожнай службы – свой спіс пытанняў для вывучэння.
У асноўным, для наведвання выбіраюцца самыя “праблемныя” дамы і кватэры: дзе дзеці знаходзяцца ў сацыяльна небяспечным становішчы, дамы злоўжываючых спіртнымі напоямі і г.д.
Так і на мінулым тыдні надзіральныя каміссіі працавалі як у раённым цэнтры, так і ў сельскай мясцовасці.
У адной з хат жыве шматдзетная сям’я, у якой дзеці знаходзяцца ў сацыяльна небяспечным становішчы. Малодшаму дзіцяці – 2 гады, маці – у воспуску па догладзе за ім. Астатнія дзеці наведваюць дзіцячы садок і школу. Але пры наведванні ўся сям’я знаходзіцца дома. “Чаму дзеці не ў школе і не ў дзіцячым садку?” – пытаецца прадстаўнік адукацыі ў маці. “Праспала, таму і не адвяла дзяцей” – адказвае жанчына. А далей знаходзіцца і прычына таму, што яна праспала – учора ў яе быў дзень нараджэння, крыху пасвяткавалі. У прадстаўніка МНС да гаспадара таксама маюцца пытанні. Падчас мінулага абыходу ў гэтай хаце ў адным з двух апавяшчальнікаў быў няспраўны элемент сілкавання. Тады гаспадар біў кулакамі ў грудзі, што купіць. Але, як кажуць, “воз и ныне там”. Пакуль камісія афармляла неабходныя дакументы, уладар схадзіў у краму, і прынес два новыя элементы сілкавання, і пры камісіі паставіў у апавяшчальнік.
У наступным доме жыве на першы погляд бяспечная сям’я. У ласцы і пяшчоце выхоўваюцца двое дзяцей. Хата крэпкая, дагледжанная. Але гэта толькі звонку, на самой справе ў ей яшчэ зусім нядаўна чуліся крыкі і гоман. Як кажуць у народзе, “і ў ціхім віру чэрці водзяцца”. Бацька сямейства праце дальнабойнікам, каб у сем’і ўсе было. Але, вяртаючыся з доўгіх камандзіровак, шукаў нагоду, каб абвінаваціць жонку ў здрадзе. Асабліва – калі прыме крэпкага напітку. Але гатак было да той пары, пакуль надзіральнай каміссіі не стала вядома пра гэты дом. З гаспадаром правялі бяседу, папарацавалі сацыяльныя псіхолагі. Зараз у сям’і – цішыня і спакой. У пажарнай службы да гэтай сям’і прэтэнзій няма.