- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Лепель. Бяспека - самы важны прадмет
У рамках 4 этапа рэспубліканскай акцыі «Бяспека ў кожны дом!» працаўнік Лепельскага раённага аддзела па надзвычайных сітуацыях правёў прафілактычнае мерапрыемства з вучнямі выпускных класаў Слабадской сярэдняй школы Лепельскага раёна.
Прадстаўнік МНС распавёў аб правілах пажарнай бяспекі і надзвычайных сітуацыях, з якімі могуць сутыкнуцца хлопцы ў побыце, а таксама ў навучальнай установе. Прыводзіў прыклады надзвычайных сітуацый і трагедый, якія прымусілі б задумацца падрастаючае пакаленне, ці варта рызыкаваць сваім жыццём, дзеля хвіліннай забаўкі.
Каб інфармацыя ўспрымалася цікавей, школьнікі прынялі ўдзел у інтэлектуальнай віктарыне «Дзе логіка?». Адгадваючы зашыфраваныя слайды са словамі, работнік МНС раскрываў тэму задання, прыводзіў прыклады якія адбыліся па гэтай прычыне пажараў і даваў рэкамендацыі, каб не дапусціць падобнага. Таксама юнакі і дзяўчаты абнавілі веды аб карысці ўстаноўкі аўтаномнага пажарнага апавяшчальніка, парадку выкарыстання вогнетушыцеля, функцыях мабільнага прыкладання «МНС Беларусі. Дапамога побач».
У завяршэнні мерапрыемства хлопцам былі прадэманстраваны відэаролікі «Студэнты. Бяспека. Будучыня» і «Універсітэт грамадзянскай абароны МНС РБ ».