- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шуміліна. Сумесны рэйд наведалі супрацоўнікі аддзела па надзвычайных сітуацыях
Замяніць батарэйку ў пажарным апавяшчальніку – самая частая заўвага, якая была адрасавана многім жыхарам вёскі Мішкавічы і райцэнтра, каго на гэтым тыдні падчас сумеснага рэйду наведалі супрацоўнікі аддзела па надзвычайных сітуацыях. У рэйдавую групу таксама ўвайшлі работнікі аддзела ўнутраных спраў і раённай газеты.
Трэба зазначыць, што ў поле зроку ўдзельнікаў рэйду трапілі найперш сем’і, у якіх выхоўваюцца дзеці і якія па той ці іншай прычыне стаяць на рознага роду ўліках. Не прайшлі і міма аматараў выпіць, бо гэта самая апасная катэгорыя, гэта так званыя патэнцыйныя ахвяры агню.
З аднаго боку радуе, што ў многіх у дамах ёсць аўтаномныя пажарныя апавяшчальнікі, якія выратавалі не адно жыццё. Аднак жа ніколі нельга расслабляцца, губляць пільнасць, падстаўляць рызыцы сябе і сваіх блізкіх, асабліва калі ў сям’і ёсць курцы і пітушчыя. Тым больш калі ёсць пітушчыя курыльшчыкі, бо жыццё з такімі асобамі гэта накшталт жыцця на парахавой бочцы. У такіх людзей у першую чаргу трэба выхоўваць звычку курыць у спецыяльна адведзеных месцах, ні ў якім разе не ў ложку, бо гэта прычына нумар адзін пераважнай колькасці пажараў.
Падчас рэйду былі выяўлены факты наяўнасці непрацуючых апавяшчальнікаў. “Калі бачыце, што батарэйка выйшла са строю, – купіце новую і замяніце”, – рэкамендаваў начальнік РАНС Андрэй Сасновіч. – Батарэйка каштуе капейкі, а вось чалавечае жыццё…”
Праверылі ўдзельнікі рэйдавага мерапрыемства стан пячнога ацяплення, правялі прафілактычную гутарку па пытаннях пажарнай і асабістай бяспекі. Сем’ям, дзе выхоўваюцца дзеці, нагадалі пра тое, каб ні на хвіліну не пакідалі малых адных.
Некаторыя вяскоўцы на заўвагу пра няспраўнасць апавяшчальнікаў адказвалі, што ў іх магазінах “кроны” няма ў продажы. Удзельнікі рэйду праехалі па ўсіх гандлёвых аб’ектах Мішкавіч, рэкамендавалі прадаўцам у самы бліжэйшы час забяспечыць на паліцах наяўнасць батарэек, а таксама пажарных апавяшчальнікаў, бо яны ў продажы, у камплекце з элементамі сілкавання, былі толькі на мясцовай пошце.