- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Міёры. Прафілактычная работа з зачынам на будучыню
У Міёрскім раёне не заканчваецца прафілактычная работа ў населеных пунктах. Яе мэта – змяншэнне пажараў і іх наступстваў. На мінулым тыдні супрацоўнікі МНС раённага адзела па надзвычайных сітуацыях наведалі жыхароў Міёрскага сельскага Савета і горада Дісна, дзе дапамаглі катэгарыраванным грамадзянам ва ўстаноўцы пажарных апавяшчальнікаў.
Апавяшчальнікі ўжо даўно даказалі сваю карысць. Не адно жыцце выратавана дзякуючы гэтаму легкаму ў карыстанні прыбору. У выпадку пажару ен падасць вельмі гучны сігнал, папярэдзіўшы ўладальнікаў аб небяспечнасці. І большая неабходнасць у яго устаноўцы маецца менавіта ў хатах і кватэрах катэгарыраваннай частцы насельніцтва. Таму супрацоўнікі МНС у Міерах сумесна з прадстаўнікамі тэрытарыяльнага цэнтра па сацыяльнаму абслугоўванню насельніцтва правялі рэйд, у ходзе якога ўстанавілі апавяшчальнікі.
Супрацоўнікі МНС перакананы, што такая мера дапаможа зменшыць колькасць пажараў і загінуўшых ад іх людзей. Але з жыхарамі правялі і кароткі інструктаж аб правілах карыстання прыладай: трэба своечасова мяняць элемент сілкавання і сачыць за спраўнасцю правадоў, толькі ў гэтым выпадку можна быць перакананым у тым, што ў нужны момант ен папярэдзіць бяду.