- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Бацькі, будзьце прыкладам для сваіх дзяцей
Самае галоўнае ў прафілактыцы пажараў па прычыне дзіцячага свавольства з агнём – гэта не проста забароны, якія прыводзяць да жадання дзіцяці іх абыйсці, а абгрунтаванае і аргументаванае тлумачэнне.
Неабходна даступна і падрабязна расказваць дзецям аб правілах пажарнай бяспекі, вучыць, як правільна дзейнічаць у выпадку ўзнікнення пажару. Аднак акрамя навучання дзяцей, пра праблему ўзнікнення пажараў у побыце неабходна нагадваць і бацькам, тым, хто свім прыкладм паказвае дзіцяці правілы бяспекі. Такую мэту носяць мерапрыемствы, якія праходзяць ва ўстановах адукацыі.
На гэтым тыдні прадстаўнікі Віцебскага гарадскога аддзела па НС правялі сустрэчу з бацькамі ў Сярэдняй школе №10 г.Віцебска. Бацькоў азнаёмілі з лічбамі статыстыкі пажараў, прыводзячы прыклады надзвычайных сітуацый па прычыне дзіцячага свавольства, робячы акцэнт на тым, што нельга пакідаць без нагляду малалетніх дзяцей. Прадстаўнік МНС заклікаў прысутных праверыць працаздольнасць аўтаномных пажарных апавяшчальнікаў, устаноўленых дома, а ў выпадку іх адсутнасці - усталяваць у жылых памяшканнях, акрамя таго, звярнуць увагу на спраўнасць ацяпляльнага абсталявання ў домаўладаннях, а таксама электрычнай праводкі.