- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Докшыцы. Маршрут бяспекі
З мэтай папярэджання пажараў і гібелі людзей ад іх у жыллёвым фондзе работнікі Докшыцкага раённага аддзела па надзвычайных сітуацыях правялі прафілактычныя мерапрыемствы ў населеных пунктах раёна, рухаючыся па маршруце аўтамагазіна.
У ходзе правядзення мерапрыемстваў работнікі МНС расказалi аб асноўных прычынах узнікнення пажараў, закранулi праблемныя пытанні бяспекі насельніцтва. Актуальнымі тэмамі сустрэч сталі эксплуатацыя электраабсталявання, бяспека дзяцей, паводзіны ў надзвычайных сітуацыях.
Прадстаўнікі МНС акцэнтавалі ўвагу і на меры пажарнай бяспекі пры абыходжанні з электрапрыборамі, пячным ацяпленнем. Распавялі аб колькасці пажараў і аб колькасці загінулых людзей ад пажараў у мінулым і гэтым годзе. Рухаючыся па маршруце аўтамагазінаў, жыхарам вёсак расказалi аб неабходнасці ўстаноўкі ў домаўладаннях аўтаномных пажарных апавяшчальнікаў.
Усе прысутныя грамадзяне паабяцалі надаць гэтым пытанням належную ўвагу. У сваю чаргу работнікі МНС раздалі наглядна-выяўленчую прадукцыю на супрацьпажарную тэматыку.