- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Лепель. У Новы год з правіламі бяспекі
Новы год - гэта цудоўны і незабыўны час. Аднак у святочнай мітусні дарослыя і дзеці часта губляюць пільнасць, забываючыся на элементарныя правілы бяспекі. Каб не азмрочыць святы сумнымі падзеямі работнікі Лепельскага раённага аддзела па надзвычайных сітуацыях у рамках другога этапу рэспубліканскай акцыі «Бяспечны Новы год!» сустрэліся з навучэнцамі Баброўскай пачатковай школы Лепельскага раёна.
Мерапрыемства пачалося з пытання: "Што прыносяць нам навагоднія святы?". Адказаў было шмат: камусьці – святочны настрой, падарункі, Дзядулю Мароза і Снягурку, а камусьці – салюты, феерверкі, петарды. Таму ратавальнікі нагадалі дзецям пра небяспеку піратэхнічных вырабаў, пагаварылі пра асаблівасці ўстаноўкі навагодняй елкі і выкарыстання электрагірлянды ў перыяд навагодніх і калядных святаў. Не засталася без увагі і тэма недапушчальнасць выхаду на тонкі лёд.
Тэматычныя конкурсы і віктарыны на веданне асноў бяспекі жыццядзейнасці дадалі ўдзельнікам акцыі настрою, а самыя актыўныя хлопцы паўдзельнічалі ў тэатр-экспромце, адлюстроўваючы герояў мультфільма «Чароўная кніга».
У завяршэнні сустрэчы школьнікі паабяцалі, што будуць выконваць правілы бяспекі, а інспектар пажадала рабятам добрага настрою, выдатных адзнак, і самае галоўнае, бяспечнага Новага года.