- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шаркаўшчына. Пра самае галоўнае з ранніх гадоў
Сустрэчы работнікаў Міністэрства па надзвычайных сітуацыях з дзецьмі дзіцячага сада №5 гарадскога пасёлка ўжо сталі традыцыйнымі. Галоўная мэта мерапрыемства - навучыць падрастаючае пакаленне правілам бяспечных паводзін, прадухіліць магчымыя экстрэмальныя сітуацыі і навучыць іх асцярожнасці.
Ратавальнікі, падрыхтавалі для выхаванцаў дзіцячага сада цікавае і пазнавальнае мерапрыемства па асновах бяспекі. З дзецьмі адбылася займальная гутарка, у якой ім расказалі аб правілах пажарнай бяспекі. Дзецям патлумачылі, чаму "запалкі-дзецям не цацка", што гульня з агнём небяспечная, і агонь без нагляду можа ператварыцца ў жорсткага ворага чалавека, прыносячы беды і няшчасці.
Нагадалі калі агонь з'яўляецца сябрам і ворагам чалавека, затым праверылі, ці ведаюць якія небяспекі падцікоўваюць дома, у двары, у дзіцячым садзе. Таксама нагадалі дзецям нумары экстраных службаў. Нашы выхаванцы прадэманстравалі добрыя веды.
Усе хлопчыкі і дзяўчынкі засталіся вельмі задаволены. Праведзенае мерапрыемства застанецца ў дзіцячай памяці, а малыя будуць выконваць правілы пажарнай бяспекі.