- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Наваполацк. Лета бяспечнага колеру
Канікулы - чароўны час, які дзеці заўсёды чакаюць з нецярпеннем. Гэта пара весялосці і новых адкрыццяў, свабоды і велізарнай колькасці важных спраў. Але ў чарадзе радасных і яркіх падзей нельга забывацца на тое, што кожнага з нас могуць чакаць і небяспечныя прыгоды.
Менавіта пра выкананне правіл бяспекі вядзецца размова з навучэнцамі ўстаноў адукацыі горада ў рамках праекта «Бяспечныя канікулы», які ўжо не першы год рэалізуюць спецыялісты аддзела па працы з дзецьмі і моладдзю Цэнтра культуры г. Наваполацка і Наваполацкім гарадскім аддзелам па надзвычайных сітуацыях.
А напярэдадні летніх канікул тэма дзіцячай бяспекі становіцца асабліва актуальнай. Пазнавальна-забаўляльная праграма «Лета бяспечнага колеру» прайшла ва ўстанове культуры з 21 па 23 мая. Гледачамі сталі дзеці з пачатковай школы і выхаванцы дашкольных устаноў горада. Касцюміраваныя героі – Васіліса і Дамавічок Кузя – не толькі нагадалі школьнікам пра правілы бяспечных паводзін у экстрэмальных сітуацыях, але і далі магчымасць адчуць сябе героем-выратавальнікам. У гульнявой форме юныя жыхары Наваполацку прымералі на сябе элементы касцюма выратавальніка-пажарнага, праявілі кемлівасць пры падрыхтоўцы інвентара і абсталявання для тушэння пажару, хутка і без прыгод дабраліся на «спецаўто» да месца здарэння і змаглі самастойна патушыць імправізаваны пажар. Такім чынам, дзеці не толькі атрымалі і замацавалі веды па бяспецы, але і на практыцы адпрацавалі некаторыя правілы паводзінаў падчас пажару.
У завяршэнні сустрэчы артысты запрасілі ўсіх будучых пажарных на танцавальны флэшмоб. Бо і ў супергерояў таксама павінны быць хвілінкі адпачынку і рэлаксу ў коле добрых сяброў.