- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
У Шумілінскім раёне з’явіўся тэматычны прыпынак МНС
Для прыцягнення ўвагі да праблемы пажараў і гібелі людзей з-за неасцярожнага абыходжання пры курэнні, а таксама прэзентацыі мабільнага дадатка «МНС Беларусі: Дапамога побач» у гарадскім пасёлку Обаль быў абсталяваны тэматычны прыпынак МНС, прымеркаваны да рэспубліканскай інфармацыйна-адукацыйнай акцыі «Беларусь супраць тытуню».
У рамках акцыі на гэтым прыпыначным пункце адбылася сустрэча начальніка Шумілінскага раённага аддзела па надзвычайных сітуацыях Андрэя Іванавіча Сасновіча з насельніцтвам Обальскага сельсавета.
Андрэй Іванавіч правёў інфармацыйна-тлумачальную гутарку аб асноўных прычынах узнікнення пажараў, прывёў статыстыку і прыклады пажараў з гібеллю людзей, якія адбыліся па віне курцоў. Былі дадзены рэкамендацыі прафілактычнага характару, дзе акцэнт зроблены на недапушчальнасць курэння ў стане алкагольнага ап’янення, захаванне правілаў пажарнай бяспекі пры спальванні смецця на прысядзібных участках і недапушчэнні выпальвання сухой расліннасці. Кіраўнік раённай службы ратавання таксама рэкамендаваў прысутным устанавіць мабільны дадатак «МНС Беларусі: Дапамога побач».
Не засталося без увагі пытанне недапушчэння пакідання дзяцей без нагляду дарослых і спынення дзіцячага свавольства з агнём. У сувязі з гэтым было ўзгадана пра крымінальную адказнасць, прадугледжаную арт. 159 КК РБ «Пакіданне ў небяспецы».
На тэматычнай пляцоўцы супрацоўнікі райаддзела па надзвычайных сітуацыях заклікалі прысутных засцерагчы сябе ад шкодных і смяротна небяспечных для жыцця звычак, а таксама прыняць удзел у конкурсах, гульнях і віктарынах. Ратавальнікі акцэнтавалі ўвагу прысутных на тым, што аўтаномны пажарны апавяшчальнік з’яўляецца эфектыўным сродкам абароны домаўладанняў, ён дазваляе своечасова выявіць пажар, які пачынаецца, і прыняць меры па абароне маёмасці і людзей ад пажараў.
Падчас мерапрыемства трансліраваліся відэаролікі прафілактычнай накіраванасці, а ўдзельнікі атрымлівалі памяткі і буклеты з заклікам «Не прапальвай сваё жыццё!».